റമളാൻ അവസാന പത്തിലേക്ക് പ്രവേശിക്കുമ്പോൾ

റമളാൻ വസന്തം- 21

അമീൻ തിരുത്തിയാട്

  അല്ലാഹുവിന്റെ അപാരമായ അനുഗ്രഹത്തിന്റെ ഫലമായി ഒരു റമളാൻ മാസം നമ്മിലേക്ക് കടന്ന് വരികയും അതിന്റെ മൂന്നിൽ രണ്ട് ഭാഗം നമ്മിൽ നിന്ന് വിട പറയുകയും ചെയ്തു. കഴിഞ്ഞു പോയ ദിനരാത്രങ്ങളിൽ നാം പ്രവർത്തിച്ച നമ്മുടെ നമസ്കാരങ്ങളുൾപ്പടെയുള്ള സൽകർമ്മങ്ങൾ അല്ലാഹു സ്വീകരിക്കുകയും തക്കതായ പ്രതിഫലം നൽകി അനുഗ്രഹിക്കുകയും ചെയ്യട്ടെ.
  റമളാനിന്റെ ഏറ്റവും ശ്രേഷ്ഠമായ അവസാന പത്തിലേക്ക് നാം പ്രവേശിച്ചിരിക്കുന്ന സന്ദർഭത്തിൽ കഴിഞ്ഞു പോയ ദിവസങ്ങളെ നാം എത്രമാത്രം ഉപയോഗപ്പെടുത്തി എന്നും വരും ദിവസങ്ങളിൽ എന്തെല്ലാം പ്രവർത്തിക്കണമെന്നുമെല്ലാം നാം സ്വന്തത്തോട് തന്നെ ചോദിച്ചു നോക്കേണ്ടതുണ്ട്. നാമൊരു ആത്മ വിചാരണ നടത്തേണ്ടതുണ്ട്.
  ഇനിയുള്ള ദിവസങ്ങളിൽ പ്രത്യേകിച്ച് ഒറ്റയായ രാത്രികളിൽ നാം ധാരാളമായിക്കൊണ്ട് ഖുർആൻ പാരായണം ചെയ്യുകയും നമസ്കരിക്കുകയും പാപമോചനം തേടുകയും മറ്റ് സൽകർമ്മങ്ങൾ അധികരിപ്പിക്കുകയും ചെയ്യണം. അത് പോലെ തന്നെ ഒറ്റയായ രാത്രികളിൽ നാം അനുഗ്രഹീത രാത്രിയായ ആയിരം മാസങ്ങളെക്കാൾ ഉത്തമമായ ലൈലത്തുൽ ഖദ്റിനെ പ്രതീക്ഷിക്കുകയും ചെയ്യണം. ആ രാത്രിയിൽ വല്ല നന്മയും പ്രവർത്തിച്ചാൽ വമ്പിച്ച പ്രതിഫലമാണ് അല്ലാഹു നമുക്ക് വാഗ്ദാനം ചെയ്യുന്നത്. അത് കൊണ്ട് തന്നെ ആ രാത്രിയെ പ്രതീക്ഷിച്ചിരിക്കുകയും സൽകർമ്മങ്ങൾ അധികരിപ്പിക്കുകയും ചെയ്യുക.
  നാഥൻ അനുഗ്രഹിക്കട്ടെ.