എന്നെ സ്നേഹിക്കുന്ന പ്രിയ സുഹൃത്തുക്കൾക്ക്,അല്പം സാഹിത്യവും വിജ്ഞാനവും - whatsapp to +91 9207791873

Tuesday, April 28, 2020

പ്രസന്ന വദനനായിരിക്കാം

റമളാൻ വസന്തം- 5

അമീൻ തിരുത്തിയാട്


  ഒരാഴ്ച മുൻപ് ഒരു സുഹൃത്ത് പറഞ്ഞു: ഞാനും എന്റെ സുഹൃത്തും തമ്മിൽ പിണക്കത്തിൽ ആണ്. ഇപ്പോൾ എന്നെ ഇങ്ങോട്ട് വിളിക്കാറില്ല എന്ന്. രണ്ട് ദിവസം കഴിഞ്ഞു ഞാൻ ആ സുഹൃത്തിനോട് വെറുതെ ചോദിച്ചു. നിങ്ങളുടെ പിണക്കം മാറിയോ?  ഉടനെ ആ സുഹൃത്ത് പറഞ്ഞു. പിണക്കം മാറി... പക്ഷെ ഞാൻ ഇപ്പോൾ പഴയ പോലെ മൈൻഡ് ചെയ്യാറില്ല. മൂന്നു ദിവസം എന്നെയിട്ട് കളിപ്പിച്ചതല്ലേ... കുറച്ച് കഴിയട്ടെ എന്ന്.
  സംഗതി തമാശക്കാണെങ്കിലും നമ്മുടെ പിടി വാശി പലപ്പോഴും അപകടത്തിൽ കൊണ്ട് എത്തിക്കാറുണ്ട്. ഒരു സുഹൃത്തിനോട് മിണ്ടാതെ പിണങ്ങി നിന്നാൽ നമുക്ക് എന്താണ് കിട്ടാനുള്ളത്. എന്നാൽ നമുക്കുണ്ടാകുന്ന നഷ്ടം ഒരുപാടായിരിക്കും.
  പുഞ്ചിരിക്കുക എന്ന കാര്യത്തെ പറ്റി പ്രവാചകൻ(സ്വ) വളരെ വ്യക്തമായിട്ട് നമ്മെ പഠിപ്പിക്കുന്നുണ്ട്.. അത് സ്വദഖകളിൽ പെട്ടതാണ്. പ്രവാചകൻ (സ്വ) ഒരിക്കൽ പറഞ്ഞു:
تَبَسُّمُك في وَجْه أَخِيك لك صدقة
നിന്റെ സഹോദരന്റെ മുഖത്തു നോക്കി നീ പുഞ്ചിരിക്കുകയാണെങ്കിൽ നിനക്ക് അതിൽ പ്രതിഫലം ഉണ്ട്.. അത് സ്വദഖകളുടെ കൂട്ടത്തിൽപെടുന്നതാണ്.
  തന്റെ കൂടെപ്പിറപ്പിനെ പോലും ഒറ്റപ്പെടുത്തി ചതിക്കുന്ന ഈ കാലത്ത് സഹോദരന് പുഞ്ചിരി സമ്മാനിച്ചു നമുക്ക് പുണ്യം സമ്പാദിക്കാം.

നാഥൻ അനുഗ്രഹിക്കട്ടെ...

No comments:

Wikipedia

Search results