അജയ്യമാണ് വിശുദ്ധ ഖുർആൻ

റമളാൻ വസന്തം- 16

അമീൻ തിരുത്തിയാട്

   വിശുദ്ധ ഖുർആൻ മാനവർക്ക് മാർഗ്ഗദീപമാണ്, വഴികാട്ടിയാണ്. ഖുർആനിലൂടെ അതിലേക്കിറങ്ങി സഞ്ചരിച്ചാൽ, അതിനെ ആഴത്തിൽ മനസിലാക്കിയാൽ അതിൽ ധാരാളം വിസ്മയങ്ങൾ നമുക്ക് കാണാൻ കഴിയും.
  വിശുദ്ധ ഖുർആൻ ധാരാളം പ്രത്യേകതകൾ നിറഞ്ഞ ഒരു ഗ്രന്ഥമാണ്. ഏത് കഠിന ഹൃദയനെയും ലോലഹൃദയനാക്കി മാറ്റാൻ ഈ ഖുർആനിന് സാധിക്കും. അത് കൊണ്ടാണ് ഈ ഖുർആൻ മൂലം ഉമർ (റ) മാറിയത്. ഏതൊരാളെയും സന്മാർഗത്തിലേക്ക് നയിക്കാൻ ഇതിന് സാധിക്കും. അത് കൊണ്ടാണ് ഡോ. കീത്ത് മൂർ അടക്കമുള്ള ധാരാളക്കണക്കിന് ശാസ്ത്രജ്ഞന്മാരും ഇസ്ലാമിക വിമർശകരും ഇസ്ലാം സ്വീകരിച്ചത്.
  ഇത്തരത്തിൽ ഖുർആൻ നമ്മുടെ ജീവിതത്തിൽ മാറ്റമുണ്ടാക്കണമെങ്കിൽ നാം ഖുർആനെ ആഴത്തിൽ പഠിക്കണം, അതിനെ മനസിലാക്കണം. അങ്ങനെയെങ്കിൽ നമുക്കും മാറ്റങ്ങളുണ്ടാകും. അപ്പോൾ നമുക്ക് ഖുർആനിലെ ശാസ്ത്ര വിസ്മയങ്ങളെപ്പറ്റി മനസിലാകും. ഖുർആൻ ഒരു ശാസ്ത്ര ഗ്രന്ഥമോ, ഒരു സാഹിത്യ ഗ്രന്ഥമോ അല്ലാ എന്ന് മനസ്സിലാകും... അത് വഴി ഖുർആനിനെ കൂടുതലായി മനസിലാക്കാനാകും.
  അത് കൊണ്ട് ഖുർആൻ പഠിക്കുക, അത് ജീവിതത്തിൽ പകർത്തുക. നാഥൻ അനുഗ്രഹിക്കട്ടെ...