ഒരു അദ്ധ്യായന വർഷം കൂടി ആഗതമാവുമ്പോൾ...

  രണ്ട് മാസക്കാലത്തെ വേനലവധിക്ക് ശേഷം വീണ്ടും വിദ്യാലയ ലോകത്തേക്ക് പ്രവേശിക്കുകയാണ്. അറിവിന്റെ അക്ഷയ ഖനികൾക്കിടയിലേക്ക് ഇറങ്ങിച്ചെല്ലാൻ തയ്യാറെടുക്കുന്ന കൊച്ചനുജന്മാർക്കും അനുജത്തിമാർക്കും വിജയാശംസകൾ...
  നാം നമ്മുടെ ജീവിതത്തിൽ മുന്നോട്ട് വെക്കുന്ന ഈ കാൽപ്പാട് അത് നമ്മുടെ ജീവിതത്തിൽ ഒരു പുത്തൻ അരുണോദയം തീർക്കാൻ കാരണമായിത്തീരണം. പഠിക്കണം നാം, വീണ്ടും പഠിക്കണം, എന്നിട്ട് നാം പഠിച്ച കാര്യങ്ങളെപ്പറ്റി ചിന്തിക്കണം, എന്നിട്ട് അത് നമ്മുടെ സമൂഹത്തിന് മുന്നിൽ സമർപ്പിക്കണം. നാം പഠിക്കുന്നത് നമുക്ക് മാത്രമല്ല. സമൂഹത്തിന് കൂടി ഗുണം ചെയ്യുന്നതാക്കി മാറ്റാൻ നമുക്ക് സാധിക്കണം. പഠിക്കുന്നതോടൊപ്പം നമ്മുടെ അറിവ് വർദ്ധിപ്പിച്ചു തരാൻ നാം ദൈവത്തോട് പ്രാർത്ഥിക്കുകയും വേണം.
  പഠനത്തിലൂടെ നാം നേടേണ്ടത് വിജ്ഞാനം മാത്രമല്ല. മറിച്ച് നല്ല വ്യക്തിത്വം കൂടിയാണ്. കൂടുതൽ അറിവുള്ളവനെക്കാൾ നല്ല വ്യക്തിത്വമുള്ളവനെയാണ് ആളുകൾ ഇഷ്ടപ്പെടുക. പഠനത്തിൽ മുന്നേറുന്നതോടൊപ്പം നല്ല വ്യക്തിത്വമുണ്ടാക്കാൻ കൂടി പരിശ്രമിക്കുക.
  നാളെ അറിവിന്റെ ആദ്യാക്ഷരം നുകരാൻ തയ്യാറെടുക്കുന്ന കൊച്ചു സഹോദരി സഹോദരന്മാർക്കും ഇപ്പോഴും പഠിച്ച് കൊണ്ടിരിക്കുന്ന സഹപാഠികൾക്കും കൂട്ടുകാർക്കും സഹോദരങ്ങൾക്കും സ്നേഹത്തിന്റെയും സാഹോദര്യത്തിന്റെയും സഹവർത്തിത്വത്തിന്റെയും നന്മയുടെയും വിജയത്തിന്റെയും ഒരു നല്ല അദ്ധ്യായന വർഷം കൂടി ആശംസിക്കുന്നു.
  വിജയത്തിലേക്കുള്ള നിങ്ങളുടെ പാതയിൽ എന്നും താങ്ങായി, തണലായി നിങ്ങളോടൊപ്പമുണ്ടാക്കുമെന്ന ഉറപ്പോടെ നിങ്ങളുടെ സഹോദരൻ...
    അമീൻ തിരുത്തിയാട്